Saltar ao contido

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Ler máis »O acordo orzamentario asinado entre o PSOE e o BNG evidencia unha absoluta falta de ambición

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Xan Xove instalará placas solares en quince colexios da Coruña, iniciando o autoconsumo compartido de enerxía limpa

O candidato da Marea Atlántica á Alcaldía da Coruña, Xan Xove, e a voceira muncipal da plataforma municipalista, María García, presentaron hoxe ante os medios de comunicación algunhas das principais conclusións do Mapa das Renovables e fixeron unha proposta concreta: instalar paneis de enerxía solar fotovoltaica en quince colexios públicos para que poidan autoabastecerse de enerxía limpa e, incluso, ceder electricidade a outros equipamentos municipais cercanos. Fixérono ante o colexio Curros Enriquez, en Monte Alto, un dos que amosan maior potencial para a produción de renovables. 

A alcaldesa desbloquea o Consello Municipal da Cultura e o Bono Cultura, iniciativas pactadas coa Marea Atlántica en 2022, en resposta ao encontro da formación municipalista con profesionais e entidades celebrado este xoves na Normal

O candidato da Marea Atlántica á Alcaldía comprometeuse coa xente da cultura a recuperar a concellaría suprimida polo PSOE e darlle a volta a catro anos sen proxecto cultural para a cidade


A Marea Atlántica celebra o desbloqueo de dous dos acordos que asinou co goberno de Inés Rey o ano pasado: a constitución do Consello da Cultura, cuxo regulamento se aprobará definitivamente no pleno do vindeiro xoves, e o lanzamento dunha nova edición do Bono Cultura, que recibiu luz verde esta mañá na Xunta de Goberno Local. Non obstante, o candidato á Alcaldía da formación municipalista, Xan Xove, lamenta que isto aconteza no tempo de desconto do mandato e en reacción ao encontro que mantivo este xoves cunha trintena de entidades e profesionais da cultura na Normal: “Pensar que en dous meses se pode emendar o desleixo de catro anos é unha nova falta de respecto ao sector. Despois das eleccións, dende o goberno, devolverémoslle o protagonismo perdido. A Coruña volverá ter unha Concellaría de Cultura”.

A creación do Consello Municipal da Cultura foi, a iniciativa da Marea Atlántica, un dos acordos que permitiron aprobar os orzamentos do Concello da Coruña o ano pasado. Estaba chamado a ser unha ferramenta de participación para un sector golpeado pola pandemia e ignorado sistematicamente por este goberno municipal, máis preocupado polas fotos e os grandes eventos que polos traballadores e as traballadoras da cultura. Presentado en abril nun acto público, levaba dende entón, case dez meses, completamente paralizado. A alcaldesa sácao agora do caixón, a tres meses dos comicios, para levar a aprobación definitiva do seu regulamento ao pleno do xoves vindeiro. “As présas denotan nerviosismo e mala conciencia”, asegura Xan Xove.

Outro tanto acontece co Bono Cultura, unha medida de estímulo ao consumo cultural que a Marea Atlántica incorporou ao Presco e que ten continuidade grazas ao acordo orzamentario de 2022 coa formación municipalista. Debía terse posto en marcha ao longo do ano pasado, pero é agora, co novo ano iniciado, en febreiro, sen novos orzamentos e sen convenios para as entidades da cidade, cando Inés Rey se acorda da cultura. “É unha boa nova que por fin se poña en marcha esta medida e demostra que a oposición firme e construtiva da Marea Atlántica é beneficiosa para o sector cultural”, explica Xove, “pero a demora tamén evidencia que é necesario un cambio en maio”.

Xan Xove lamenta que o goberno local se acorde da cultura no tempo de desconto do mandato: “A partir de maio devolverémoslle o protagonismo ao sector”