Saltar ao contido

Entradas relacionadas

A Marea Atlántica elixe por unanimidade unha nova Coordinadora para “construír de abaixo a arriba” unha alternativa para 2027

A asemblea da formación municipalista completou este mércores o proceso de renovación interna anunciado tras as eleccións municipais de maio Doce persoas conforman o equipo… Ler máis »A Marea Atlántica elixe por unanimidade unha nova Coordinadora para “construír de abaixo a arriba” unha alternativa para 2027

Xan Xove incrementará un 20% o investimento social nos vindeiros catro anos e reforzará o persoal para reducir as listas de agarda

O cabeza de lista da Marea Atlántica e candidato á Alcaldía da Coruña, Xan Xove, comprometeuse hoxe a reforzar a atención nos servizos sociais e aumentar un 20% o investimento social do Concello da Coruña ao longo dos vindeiros catro anos, “para que volva ser un eixe do goberno, coma o foi durante o mandato de Xulio Ferreiro”. Xove lembrou que “no mandato da Marea Atlántica, A Coruña chegou, por primeira vez, a ser a cidade con maior investimento social de Galicia (105,94 euros por habitante), pero co PSOE produciuse un retroceso importante, segundo nos trasladan todas as entidades coas que falamos nos últimos meses”. 

Xan Xove fará parques máis acolledores, con zonas de xogos para maiores de seis anos e espazos adaptados á mobilidade reducida

Xan Xove, candidato á Alcaldía da Coruña pola Marea Atlántica, comprometeuse hoxe a mellorar e ampliar os parques da Coruña, para facer máis e para facelos máis acolledores a toda a veciñanza. “Crearemos zonas de xogo entre 6 e 12 anos e para maiores de 12, multiplicando o tempo no que os parques poden ser espazo de encontro e socialización, unha alternativa a irse ao centro comercial. E teremos en conta, tamén as necesidades das persoas con mobilidade reducida e diversidade funcional, para un espazo de xogo inclusivo”.

O noso grupo tamén rexistrou preguntas orais sobre as medidas para previr contaxios de COVID entre o persoal municipal e sobre o baixisimo grao de execución do orzamento de 2020, que nalgunhas áreas non chega ao 50%

A Marea Atlántica preguntará no Pleno pola implicación do goberno municipal no deseño do proxecto para a ampliacíon do Complexo Hospitalario Universitario da Coruña, actualmente en licitación. Dado que o Concello vai achegar máis de 26 millóns de euros para as obras, e que o convenio asinado esta semana con Alberto Núñez Feijóo deixa o papel da institución local en pouco máis que pagar e calar, queremos saber cómo pensa Inés Rey facer valer a voz da Coruña. Por iso as nosas representantes non acudiron ao acto.

Tamén lle preguntaremos porque enganou á veciñanza de Eirís, prometéndolles o 19 de xaneiro que a expansión do hospital sería cara o aparcamento privado, e levando a Pleno una semana despois un convenio que dicía o contrario.

Pésima execución orzamentaria 

Doutra banda, pedirémoslle á alcaldesa unha valoración da baixísima execución do Orzamento de 2020, a peor nun lustro, xusto un ano en que cada euro público era necesario para combater a crise. Na área de Alcaldía e noutras tres concellerías nin sequera se acadou o 50%.

O noso grupo municipal tamén preguntará polas medidas que tomou o executivo desde a fin do confinamento para evitar os contaxios de COVID nos servizos municipais, ante os problemas denunciados por varios sindicatos para acceder ao teletraballo.

 

Como se vai implicar o goberno de Inés Rey no proxecto para ampliar o hospital?