Saltar ao contido
Autobús urbano de A Coruña en una parada.

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Ler máis »O acordo orzamentario asinado entre o PSOE e o BNG evidencia unha absoluta falta de ambición

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Xan Xove instalará placas solares en quince colexios da Coruña, iniciando o autoconsumo compartido de enerxía limpa

O candidato da Marea Atlántica á Alcaldía da Coruña, Xan Xove, e a voceira muncipal da plataforma municipalista, María García, presentaron hoxe ante os medios de comunicación algunhas das principais conclusións do Mapa das Renovables e fixeron unha proposta concreta: instalar paneis de enerxía solar fotovoltaica en quince colexios públicos para que poidan autoabastecerse de enerxía limpa e, incluso, ceder electricidade a outros equipamentos municipais cercanos. Fixérono ante o colexio Curros Enriquez, en Monte Alto, un dos que amosan maior potencial para a produción de renovables. 

A cita contará coa participación do director da Empresa Municipal de Transportes de Valencia, Toni Martínez, e cun coloquio de voces expertas en mobilidade urbana e metropolitana

Será a partir das 10.30h no centro cívico de Monelos, con acceso de balde ata esgotar o aforo

A Marea Atlántica organiza, o vindeiro sábado 15 de abril, unha xornada para debater e ofrecer alternativas aos problemas da mobilidade urbana e metropolitana. Contará coa presenza de Toni Martínez, director adxunto da Empresa Municipal de Transportes de Valencia, integrada na Autoridade Metropolitana de Transporte, que nos contará a súa experiencia, e rematara cun coloquio de voces expertas. 

Co título Temos que falar de mobilidade, a cita celebrarase este 15 de abril, de 10.30h a 13.30h horas no centro cívico de Monelos (avenida de Monelos, 2). O acceso é de balde ata esgotar o aforo.

Comezará cunha presentación de Xan Xove, candidato da Marea Atlántica á Alcaldía da Coruña, sobre A mobilidade que merecemos. Continuará coa conferencia de Toni Martínez, que detallará o funcionamento da EMT Valencia, Unha empresa pública para liderar a mobilidade do século XXI. Posteriormente, terá lugar un coloquio con diferentes asociacións e colectivos, para ampliar o debate e as perspectivas. 

“A mobilidade é esencial na vida cotiá, determina o tempo que nos custa desprazarnos pola cidade, as nosas posibilidades laborais, a calidade de vida nos barrios, o uso do espazo público, o noso impacto na emerxencia climática… Por iso atendela é un dos principais retos que terá o goberno saído das urnas este 28 de maio, sempre cunha perspectiva metropolitana”, explica Xan Xove.

A Marea Atlántica organiza, o sábado 15 de abril, unha xornada de debate e propostas sobre a mobilidade urbana e metropolitana