Saltar ao contido

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Ler máis »O acordo orzamentario asinado entre o PSOE e o BNG evidencia unha absoluta falta de ambición

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Xan Xove instalará placas solares en quince colexios da Coruña, iniciando o autoconsumo compartido de enerxía limpa

O candidato da Marea Atlántica á Alcaldía da Coruña, Xan Xove, e a voceira muncipal da plataforma municipalista, María García, presentaron hoxe ante os medios de comunicación algunhas das principais conclusións do Mapa das Renovables e fixeron unha proposta concreta: instalar paneis de enerxía solar fotovoltaica en quince colexios públicos para que poidan autoabastecerse de enerxía limpa e, incluso, ceder electricidade a outros equipamentos municipais cercanos. Fixérono ante o colexio Curros Enriquez, en Monte Alto, un dos que amosan maior potencial para a produción de renovables. 

O estado ruinoso do edificio, ademais de supor un perigo polos desprendementos da fachada, ten filtracións de auga que poñen en risco as pinturas do artista, patrimonio cultural da cidade

As asociacións O Mural e In Nave Civitas levan dende xullo de 2021 reclamando ao Concello que actúe porque a obra está no catálogo de patrimonio da zona PEPRI. Non tiveron resposta

A Marea Atlántica insta ao goberno local a protexer as obras do emblemático pintor coruñés, Urbano Lugrís que se atopan no baixo do edificio número 25 da rúa dos Olmos. O inmoble atópase nunha situación de total abandono, con desprendementos da fachada e filtracións de auga que están danando as pinturas.

Segundo Xan Xove, candidato á alcaldía da Marea Atlántica, que se reuniu esta mesma semana coa Asociación Cultural O Mural, “unha destas obras, o mural que cubre o teito do baixo, atópase recollida no catálogo de patrimonio do PEPRI da Cidade Vella e Pescaría, e o goberno debería de actuar canto antes para protexelo e frear o seu deterioro antes de que sexa irreversible” e engade, “O goberno local non pode lavar as mans mentres agarda a que a Xunta a declare BIC. Son  pinturas dun artista coruñés especialmente relevante e querido, o seu legado perténcelle a cidadanía. Inés Rey ten que protexelas xa”.

Sen resposta dende xuño de 2021

Hai xa un ano e medio dende que as Asociacións Culturais O Mural e In Nave Cívitas advertiron da situación de risco para as pinturas de Lugrís, que empeorou rapidamente dende que pechou o restaurante que estaba no baixo. Ambos colectivos reclaman protección por parte do Concello do emblemático mural de 1951 que se atopa no teito curvado do local e do resto de pinturas, sen obter resposta.

“O goberno local non pode permitir que a obra se deteriore máis, e cada día que pasa é peor. Dende novembro hai desprendementos da fachada e isto, ademais de supor un perigo para os peóns e unha imaxe desastrosa para unha rúa que debería estar especialmente protexida, provocan novas filtracións que ameazan a conservación das pinturas de Lugrís” conclúe  Xove. Este mes de decembro, ambas asociacións solicitaron a declaración do mural como Ben de Interese Cultural (BIC) por parte da Xunta de Galicia. Esta catalogación xa foi aplicada a outros murais de Urbano Lugrís, pero mentres non se produza o Concello non pode obviar as súas responsabilidades; máis cando ten marxe para actuar, como xa comentamos, porque o mural está recoñecido dentro do catálogo do patrimonio da zona PEPRI da Cidade Vella e Pescaría.

O goberno local ten que protexer as obras de Urbano Lugrís na rúa dos Olmos