Saltar ao contido

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Ler máis »O acordo orzamentario asinado entre o PSOE e o BNG evidencia unha absoluta falta de ambición

A Marea Atlántica insta ao goberno local a cumprir as obrigas recollidas na Ordenanza de Igualdade do Concello da Coruña

O compromiso coa igualdade e os feminismos non pode quedar só en palabras: ten que demostrarse con feitos e con políticas públicas efectivas A organización… Ler máis »A Marea Atlántica insta ao goberno local a cumprir as obrigas recollidas na Ordenanza de Igualdade do Concello da Coruña

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Preocúpanos a rebaixa do nivel de protección previsto para a Lonxa do Gran Sol, un edificio emblemático que a Autoridade Portuaria parece empeñada en ignorar

Faremos achegas para mellorar a proposta do goberno, aínda moi verde en elementos tan singulares coma a Viaxe de Visma

A Marea Atlántica lamenta a demora nos trámites necesarios para ampliar o Catálogo de Edificios Protexidos do PXOM, que debería terse realizado nos primeiros seis meses deste ano incluíndo todos os elementos que estaban na proposta orixinal, aprobada inicialmente a finais de 2018 a iniciativa do goberno de Xulio Ferreiro. A iso se comprometeu o executivo local coa Marea Atlántica en decembro de 2020, aceptando a emenda que levamos ao Pleno dese mes.

Segundo o vicevoceiro da Marea Atlántica, Iago Martínez, “hoxe, na Comisión de Urbanismo, comprobamos que os dous documentos que se preparan para a ampliación do catálogo están verdes e lonxe de ir a Pleno, contrariamente ao acordado. Estudaremos a fondo a documentación e faremos as achegas necesarias para mellorar a proposta”. 

O primeiro destes documentos conta con sumar máis de 40 elementos protexidos e o goberno comprométese a levalo a Pleno á volta do verán, pero o certo é que precisa aínda traballo para completarse e está pouco definido en elementos tan emblemáticos coma a Viaxe de Visma. Faltaría aínda un segundo documento, centrado en adaptar o catálogo á nova Lei de Patrimonio de Galicia, pero non se prevé que estea listo ata fin de ano. 

 

A lonxa do Gran Sol perde protección

Dentro dese primeiro documento inclúese a lonxa do Gran Sol, pero figura cun nivel de protección menor do previsto. Segundo o goberno local, débese ás trabas que puxeron no seu día a Autoridade Portuaria e Puertos del Estado. 

Instamos, de novo, ao presidente do porto, Martín Fernández Prado, a que mude de actitude e asuma a protección da lonxa do Gran Sol. Pode facelo sen agardar polo Concello, modificando o Plan Especial de Ordenación da Zona de Servizo do Porto da Coruña (PEOZOS), catalogando o edificio coma un patrimonio a protexer.

Lamentamos a demora en tramitar a ampliación do catálogo de edificios protexidos, que debera estar lista no primeiro semestre do ano