Saltar ao contido

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Ler máis »O acordo orzamentario asinado entre o PSOE e o BNG evidencia unha absoluta falta de ambición

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Xan Xove instalará placas solares en quince colexios da Coruña, iniciando o autoconsumo compartido de enerxía limpa

O candidato da Marea Atlántica á Alcaldía da Coruña, Xan Xove, e a voceira muncipal da plataforma municipalista, María García, presentaron hoxe ante os medios de comunicación algunhas das principais conclusións do Mapa das Renovables e fixeron unha proposta concreta: instalar paneis de enerxía solar fotovoltaica en quince colexios públicos para que poidan autoabastecerse de enerxía limpa e, incluso, ceder electricidade a outros equipamentos municipais cercanos. Fixérono ante o colexio Curros Enriquez, en Monte Alto, un dos que amosan maior potencial para a produción de renovables. 

A candidatura Municipalistas, formada por 8 mulleres e 5 homes, conta coa presenza de Xulio Ferreiro, responsable de Relacións Políticas, e varios integrantes do grupo municipal 

Diego Jiménez e Inés Cebreiro postúlanse para compartir a voceiría paritaria da organización

Unha lista de consenso opta a renovar a Coordinadora da Marea Atlántica, o órgano que se ocupa da xestión diaria da organización. A lista, denominada “Municipalistas”, foi a única que se presentou ao remate do prazo previsto, ás 23.59 do 17 de xaneiro Está formada por 8 mulleres e 5 homes, e conta coa presenza do ex alcalde da Coruña, Xulio Ferreiro. O órgano complétase con dous postos natos, reservados para as voceiras da Marea Atlántica no Concello, María García, e na Deputación, Alberto Lema.

Esta candidatura, avalada tamén polo órgano de arbitraxe, conta cos nomes de Xulio Ferreiro, Claudia Delso, Iago Martínez, Beatriz González de Canales, Luis Hernández, Stephanie Ordóñez, Sabela Rivas, Lola Ponte, Antía Paz, Daniel R. Cao, Gema Rivera, Diego Jiménez e Inés Cebreiro. Diego e Inés foron, ademais, propostos para compartir a portavocía paritaria da Coordinadora.

As persoas presentadas pola candidatura “Municipalistas” á Coordinadora están organizadas segundo as seguintes áreas ou responsabilidades: Xulio Ferreiro asumirá o labor de Confluencia e Cohesión do espazo, Lola Ponte terá asignadas funcións de Xustiza Social e Benvidas, Daniel R.Cao e Beatriz González de Canales serán os encargados da área de Comunicación Interna, Antía Paz a responsable de Comunicación externa e Argumentario, Sabela Rivas e Inés Cebreiro en Feminismos, Stephanie Ordóñez en Ecoloxismo, Diego Jiménez en Movementos Sociais e Sociedade Civil, Gema Rivera en Territorio, Luis Hernádez en Mediación e Transparencia, Claudia Delso en Dinamización e formación e Iago Martínez en Relación coas Institucións. Este reparto de responsabilidades correspóndese coas áreas de traballo desenvolvidas pola Coordinadora saínte.

Tras a súa presentación oficial, a candidatura deberá de ser referendada pola Rede, máximo órgano de toma de decisións da Marea Atlántica, que se reunirá nos vindeiros días. De producirse o apoio da Rede, o mandato desta nova Coordinadora terá unha duración de dous anos.

Unha candidatura de consenso preséntase para renovar a coordinadora da Marea Atlántica