Saltar ao contido
Maqueta Percebeiras Labañou

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Ler máis »O acordo orzamentario asinado entre o PSOE e o BNG evidencia unha absoluta falta de ambición

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Xan Xove instalará placas solares en quince colexios da Coruña, iniciando o autoconsumo compartido de enerxía limpa

O candidato da Marea Atlántica á Alcaldía da Coruña, Xan Xove, e a voceira muncipal da plataforma municipalista, María García, presentaron hoxe ante os medios de comunicación algunhas das principais conclusións do Mapa das Renovables e fixeron unha proposta concreta: instalar paneis de enerxía solar fotovoltaica en quince colexios públicos para que poidan autoabastecerse de enerxía limpa e, incluso, ceder electricidade a outros equipamentos municipais cercanos. Fixérono ante o colexio Curros Enriquez, en Monte Alto, un dos que amosan maior potencial para a produción de renovables. 

Nunha decisión totalmente restritiva, a alcaldesa bloquea que se debata e se vote a emenda da Marea Atlántica para estender a protección do bordo litoral contra a especulación 

Instamos á alcaldesa a rectificar e permitir que o Pleno trate a proposta de suspender as licenzas en Labañou e O Portiño. O contrario sería fondamente antidemocrático

A voceira da Marea Atlántica, María García, denunciou hoxe que Inés Rey está a bloquear a emenda presentada polo noso grupo municipal para estender a suspensión de licenzas de construción a Labañou e O Portiño. “Nunha auténtica cacicada, Inés Rey trata de impedir que o Pleno vote parar o pelotazo de Percebeiras. Non hai ningún motivo legal ou urbanístico que o impida, pero a alcaldesa tenta facelo retorcendo o regulamento municipal”.

Como explica García, Inés Rey decidiu, de xeito arbitrario, impedir que se debata e se vote a emenda que presentou a Marea Atlántica para ampliar a proposta do goberno de suspender as licenzas entre Oza e a Pasaxe. Unha proposta boa que pode facerse mellor, cos mesmos argumentos, estendendo esa protección a Percebeiras, O Portiño e os polígonos que limitan con Culleredo. Iso é o que pretende a nosa emenda, pero foi rexeitada sen motivo claro, sen informe escrito do secretario do Concello e dun xeito nunca visto nos últimos anos.

No mandato de Xulio Ferreiro chegaron a facerse emendas de viva voz. E xa co PSOE na Alcaldía, nos últimos modificativos de crédito, presentáronse durante o propio Pleno, sen informes. Fíxoo tanto a oposición como o goberno, e nunca houbo problemas para admitilo.

Débelle algo a Metrovacesa?

“Estamos ante unha cacicada escandalosa, que pretende evitar o debate sobre Percebeiras e amparar un pelotazo urbanístico sen que se poida cuestionar no Pleno. A nosa proposta é  xurídica e politicamente incontestable, e por iso Inés Rey quere ocultala. Preguntámonos que lle debe a Metrovacesa, a construtora propietaria desta parcela, para actuar así, e de que ten medo”, conclúe García.

Ao non haber rexeitamento escrito aínda, manteremos a emenda e instamos á alcaldesa a rectificar e permitir que se debata. O contrario sería unha vulneración de dereitos e unha decisión fondamente antidemocrática.

María García: “Inés Rey fai unha cacicada para tratar de impedir que o Pleno vote a paralización do pelotazo en Percebeiras”