Novas da Marea

photo_2015-11-11_12-13-42

A Marea Atlántica apoiará a En Marea

A Rede aprobou, por ampla maioría, pedir o voto para a candidatura baseada na coalición entre Podemos, Anova e Esquerda Unida

A asemblea consensuou tamén adiar a súa decisión sobre nivel de participación neste proceso ata ter un maior coñecemento da súa estrutura

A Marea Atlántica celebrou na noite deste martes unha asemblea extraordinaria na que resolveu pedir publicamente o voto para a candidatura En Marea. A decisión tomouse tras un debate plural no que, entre outras cuestións, estivo presente a necesidade de facer o posible para que En Marea se materialice como un proceso participado e aberto.

Nese sentido, as persoas asistentes encomendaron ao Grupo de Apertura trasladar á Rede toda a información sobre os avances no proceso co obxectivo de decidir nunha futura asemblea a súa posible integración e o grao de participación no proceso.

Asimesmo, a Rede desbotou, tamén cunha ampla marxe, a posibilidade de propoñer nomes para integrarse nas listas da candidatura na circunscripción da Coruña.

Have your say