A Xanela de Proxectos da Marea Atlántica xorde do noso compromiso coa cidade coma unha convocatoria anual que busca apoiar economicamente iniciativas que contribúan á transformación social, política e económica cara un modelo de cidade máis xusto, equitativo e sostible. Esta convocatoria está financiada cos cartos dos excedentes salariais dos nosos cargos públicos, cos que tamén se financian iniciativas coma a Oficina dos Dereitos.
Tras o éxito da primeira edición, nesta segunda Xanela de Proxectos ampliamos o importe ata os 12.000€, para aumentar a nosa colaboración con entidades, asociacións e colectivos.
Tal e como recollen as bases da Xanela de Proxectos da Marea Atlántica, o día 2 de novembro danse a coñecer os resultados provisionais, o prazo para emendas remata o vindeiro día 9 de novembro, e a publicación definitiva dos resultados terá lugar o día 12 de novembro.
Contactaremos coas persoas responsables dos proxectos finalmente seleccionados a través do correo electrónico, para explicarlles os seguintes pasos, como son a sinatura dos convenios e a presentación pública dos proxectos.
Moitas grazas a todas as entidades que participastes nesta segunda edición da Xanela de Proxectos da Marea Atlántica.
Lista e puntuación de proxectos seleccionados (resultados provisionais)
Nome do proxecto e entidade |
Puntuación |
“Elna Maternity Center” – ONG AIRE |
96.9 |
“Coruña Vivensa” – ONG Sen Valos |
86.3 |
“Libres na casa” – Asociación ARELAS |
80.0 |
“Traballo de pares con persoas estranxeiras” – Comité Ciudadano Antisida da Coruña |
69.5 |
“Burbuxas” – Asociación ASPERGA |
78.3 |
“Repensando o noso habitat a través de todas as olladas” – Aventeira S. Coop. Galega |
72.9 |