Saltar ao contido

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Ler máis »O acordo orzamentario asinado entre o PSOE e o BNG evidencia unha absoluta falta de ambición

A Marea Atlántica abre unha nova etapa para que recuperar a confianza da cidadanía e chama a mobilizarse fronte á dereita no 23X

A Marea Atlántica celebrou esta mañá unha asemblea no centro cívico de Monte Alto, coa asistencia de máis de 60 persoas e para facer un balance amplo dos malos resultados do 28M, que nos deixaron sen representación en María Pita, e para decidir sobre o futuro da organización. Tras o debate, a asemblea acordou o seguinte comunicado:

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

A nosa máis rotunda condena ante o asasinato dun rapaz de 24 anos, na madrugada do 3 de xullo na Coruña, nunha agresión alimentada polo odio

Sumámonos á concentración en repulsa convocada polos movementos sociais, o luns 5 de xullo ás 20h, na Praza de María Pita

Samuel, un mozo de 24 anos, foi brutalmente asasinado na madrugada do 3 de xullo en Riazor, tras recibir unha agresión motivada polo odio. Queremos sumarnos á petición de xustiza que se espalla pola cidade, e agardamos que as persoas responsables sexan identificadas na maior brevidade e non queden impunes.

Sumámonos, ademais, á concentración convocada polos movementos en defensa dos dereitos LGBTIQ, este luns 5 de xullo, ás 20.00h, na Praza de María Pita.

Á falta de coñecer os feitos exactos, todo indica que foi o odio o que motivou este asasinato. Un odio alimentado cada día por discursos da ultradereita e os seus altofalantes, e que se está a notar na cidade da Coruña. Aínda a semana pasada unha parella homosexual sufría unha agresión cunha porra extensible nas rúas de Monte Alto. Un odio contra o que non podemos dar un paso atrás.

A barbarie que levou ao asasinato de Samuel non pode ter cabida nin na Coruña nin en ningures. Loitemos, toda a sociedade unida, para que o que non pode acontecer non volva acontecer nunca. Desde a Marea Atlántica, queremos sumar e loitar cada día por un mundo sen odio.

Xustiza para Samuel