Saltar ao contido

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Ler máis »O acordo orzamentario asinado entre o PSOE e o BNG evidencia unha absoluta falta de ambición

A Marea Atlántica abre unha nova etapa para que recuperar a confianza da cidadanía e chama a mobilizarse fronte á dereita no 23X

A Marea Atlántica celebrou esta mañá unha asemblea no centro cívico de Monte Alto, coa asistencia de máis de 60 persoas e para facer un balance amplo dos malos resultados do 28M, que nos deixaron sen representación en María Pita, e para decidir sobre o futuro da organización. Tras o debate, a asemblea acordou o seguinte comunicado:

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

A cita contará coa participación do psicoterapeuta Iñaki García Maza e cun coloquio de voces expertas en saúde mental 

Será a partir das 10.00h no Circo de Artesáns, con acceso de balde ata esgotar o aforo

 

A Marea Atlántica organiza, o vindeiro sábado 18 de marzo, unha xornada para debater e ofrecer alternativas ao problema da saúde mental. Contará coa presenza de Iñaki García Maza,  psicoterapeuta e docente, e incluirá un coloquio con profesionais e voces expertas. Analizaremos o incremento das patoloxías mentais, tras a pandemia e as crises económicas, falaremos da escaseza dos recursos públicos para atendelas e trataremos de ofrecer solucións con perspectiva municipalista. 

A cita será ás 10.00h no salón de actos do Circo de Artesáns (San Andrés, 26), con acceso libre mentres haxa aforo. Comezará cunha conferencia de García Maza titulada “Saúde mental e malestares contemporáneos: repensando dende as prácticas sociais”. Será presentado por Xan Xove, candidato da Marea Atlántica á Alcaldía da Coruña. 

Posteriormente, terá lugar un coloquio con distintas asociacións e colectivos, para ampliar o foco e as perspectivas sobre o problema. 

  • María Isabel Vázquez Souza, psiquiatra e representante do Movemento Galego de Saúde Mental.
  • Susana Castro León, terapeuta e cocreadora do GAM de acompañamento emocional que funcionou durante a pandemia.  
  • Marta González Rodríguez, psicóloga e representante da Asociación de Psicólogas Clínicas do Sergas.
  • Iñaki García Maza, psicoterapeuta e presidente da Asociación “Zimantarri”. 
  • Modera: Beatriz González de Canales, enfermeira no Hospital da Coruña e número 2 da candidatura da Marea Atlántica.   

Sábado 18 de marzo: xornada para debater e visibilizar o problema da saúde mental