Saltar ao contido

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Ler máis »O acordo orzamentario asinado entre o PSOE e o BNG evidencia unha absoluta falta de ambición

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Xan Xove instalará placas solares en quince colexios da Coruña, iniciando o autoconsumo compartido de enerxía limpa

O candidato da Marea Atlántica á Alcaldía da Coruña, Xan Xove, e a voceira muncipal da plataforma municipalista, María García, presentaron hoxe ante os medios de comunicación algunhas das principais conclusións do Mapa das Renovables e fixeron unha proposta concreta: instalar paneis de enerxía solar fotovoltaica en quince colexios públicos para que poidan autoabastecerse de enerxía limpa e, incluso, ceder electricidade a outros equipamentos municipais cercanos. Fixérono ante o colexio Curros Enriquez, en Monte Alto, un dos que amosan maior potencial para a produción de renovables. 

O candidato á Alcaldía lembrou que “a cidadanía ten que escoller entre o retroceso do PP, o inmobilismo do PSOE ou un modelo de cidade con futuro, o da Marea Atlántica”

 A formación municipalista é a única das que se presentan que toma as súas decisións na Coruña e se financia só co apoio da xente da Coruña, doazóns que a tal hora xa superan as recibidas para a campaña electoral de 2019 

Xan Xove, candidato á Alcaldía da Coruña pola Marea Atlántica, presentou hoxe en rolda de prensa o cartel electoral e o lema que a forza municipalista empregará durante a campaña: “Escolle A Coruña”. Un lema que, tal e como explicou o cabeza de lista, pode entenderse en diversos sentidos. “En primeiro lugar, representa que estamos ante unhas eleccións decisivas, que este 28M escollemos que A Coruña queremos. Entre o retroceso que representa o PP, e o inmobilismo dun PSOE que en canto lle deixas che desenterra un proxecto urbanístico dos anos 90, ou un modelo de cidade traballado e con futuro, o da Marea Atlántica.”

“Escolle A Coruña” é tamén un chamado a centrar o debate onde importa, no que necesitan a cidade e a veciñanza. “Son unhas eleccións municipais. Non son o prólogo para outra cousa nin un plató onde dirimir aspiracións doutro tipo. Trátase da Coruña. Do que queremos para A Coruña. Por iso, este 28M escollemos A Coruña”, explicou Xove. 

Ademais, “Escolle A Coruña” evidencia que de todas as papeletas que estarán dispoñibles este 28M, só unha representa a unha forza política “que toma as súa decisións na Coruña, que traballa coa cabeza, o corazón e as mans postas en facer da Coruña unha cidade mellor, e a única que se financia sen hipotecas e sen favores alleos, só co apoio da xente da Coruña. Sen pedirlle permiso a ninguén. Este 28M escollemos poñer A Coruña por diante”, sinalou o candidato. E engadiu que a campaña de achegas cidadás aberta pola formación foi un éxito, e vén de superar o nivel de recursos acadado en 2019, “algo polo que só podemos amosar un enorme orgullo e inmenso agradecemento”. 

Finalmente, con “Escolle A Coruña” tamén queremos facer un chamamento a esas persoas que aínda non decidiron o seu voto. E niso centraremos tamén a nosa campaña. Sabemos que coñecen a Marea Atlántica, e queremos facerlles chegar as nosas propostas e ideas para que saiban que poden volver confiar en nós. Que a Marea sempre cumpre.

Primeiros actos nos Mariñeiros, Labañou e Orillamar

Así, o primeiro acto de campaña será mañá, venres, ás 19h, na praza dos Mariñeiros, ao pé da macrourbanización que se proxecta en San Pedro de Visma, cun pequeno encontro no que reivindicaremos que outro urbanismo é posible, pensado para as persoas e non para as construtoras. En Visma e nos Mariñeiros, escollemos unha cidade para vivir.

O sábado estaremos pola mañá na Praza da Tolerancia, cun acto dedicado á “cidade da infancia”, e pola tarde en Orillamar, con outro sobre a “cidade feminista”. Nos dous casos haberá música e sorpresas, que daremos a coñecer proximamente.

Ese 28M, A Coruña escolle. E se o que queres é unha cidade con alugueiros asequibles, verde, xusta, feminista e democrática. Unha Coruña cunha empresa municipal de transportes, cun proxecto piloto de Renda Básica, ou que volva ter unha Concellería de Cultura, a túa opción é a Marea Atlántica. 

Xan Xove presenta o seu lema de campaña: “Escolle A Coruña”, un chamamento a “decidir este 28M a cidade que queremos e a centrar o debate nos problemas da veciñanza”