Máis de 400 persoas, moitas de pé, ateigaron onte 19 de decembro o Auditorio do Paraninfo da Universidade da Coruña no acto organizado pola Marea Atlántica: a conversa aberta entre Ada Colau [Guanyem Barcelona] e Manuel Rivas [escritor, xornalista e mareante]
A charla deu de cheo en temas cruciais da nova enerxía política [podes ver o streaming por aquí: https://bambuser.com/v/5162362, https://bambuser.com/v/5162386, https://bambuser.com/v/5162388, https://bambuser.com/v/5162479, https://bambuser.com/v/5162507] e deixounos o sabor e a marusía non só de que temos un desexo común, senón de que tanta mobilización, enerxía e gañas de darlle a volta ás cousas e repensalas entre todas non poden ser inútiles… e non o han ser.
Ada Colau voltou a pór sobre a mesa que a revolución democrática é unha tarefa presente que temos que construír entre homes e mulleres, entre iguais; e déixanos unha lembranza para o futuro: «Lembremos, nos días difíciles, que estamos a facer o que hai que facer».