Saltar ao contido

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Ler máis »O acordo orzamentario asinado entre o PSOE e o BNG evidencia unha absoluta falta de ambición

A Marea Atlántica abre unha nova etapa para que recuperar a confianza da cidadanía e chama a mobilizarse fronte á dereita no 23X

A Marea Atlántica celebrou esta mañá unha asemblea no centro cívico de Monte Alto, coa asistencia de máis de 60 persoas e para facer un balance amplo dos malos resultados do 28M, que nos deixaron sen representación en María Pita, e para decidir sobre o futuro da organización. Tras o debate, a asemblea acordou o seguinte comunicado:

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Na Coruña preto de 8.000 menores de 18 anos se atopan en situación vulnerable  

Despois de anos liderando en Galicia o gasto social, en 2020 prodúcese un retroceso significativo neste eido

As dificultades para acceder á vivenda e a desigualdade nas cidades son as grandes sinaladas 

O Grupo Municipal da Marea Atlántica alerta da alta taxa de pobreza infantil na Coruña, logo da recente publicación do “Alto comisionado para la lucha contra la pobreza infantil” do estudo Geografía de la pobreza infantil en España.

Segundo a concelleira da Marea Atlántica, Silvia Cameán, “Estamos a falar dunha taxa elevadísima de nenos, nenas e adolescentes ás portas da pobreza, un 22.2%. Son preto de 8.000 menores de 18 anos en situación vulnerable e cada vez estamos recibindo máis avisos da veciñanza con dificultade para acceder aos servizos sociais do concello”.

A publicación do mapa da pobreza infantil en España alerta dunha “migración” da pobreza infantil ás zonas urbanas e sinala especialmente á desigualdade de rendas e ás dificultades para acceder a unha vivenda digna. Por outra banda a enquisa do INE sitúa a taxa de risco de pobreza en Galicia no seu nivel máis alto nos últimos dez anos, superando a media estatal. “Neste momento resulta desalentadora a pouca dilixencia do goberno local na área de servizos sociais” incide a concelleira Cameán e lembra que “logo de anos liderando en Galicia o gasto social por habitante, nun momento de crise como este, como pode ser que o Ministerio de Facenda indique A Coruña retrocede en gasto social?”

Peche da Unidade de Saúde Mental Infantil

Neste contexto temos que lembrar o recente peche da Unidade de Saúde Mental Infantil no centro cívico de Eirís, polo que preguntaremos no vindeiro Pleno de setembro. A USMI leva aberta moitos anos e trátase dun servizo de apoio á infancia que se prestaba con personal do Concello e, no canto de melloralo e reducir as listas de agarda cando a pandemia deixa as consultas pediátricas ateigadas de nenos e nenas con problemas de ansiedad e depresión, retiran o servizo.

A taxa de pobreza infantil na Coruña se sitúa no 22,2% mentres o Concello retrocede en gasto social