Saltar ao contido

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Read More »O acordo orzamentario asinado entre o PSOE e o BNG evidencia unha absoluta falta de ambición

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Xan Xove instalará placas solares en quince colexios da Coruña, iniciando o autoconsumo compartido de enerxía limpa

O candidato da Marea Atlántica á Alcaldía da Coruña, Xan Xove, e a voceira muncipal da plataforma municipalista, María García, presentaron hoxe ante os medios de comunicación algunhas das principais conclusións do Mapa das Renovables e fixeron unha proposta concreta: instalar paneis de enerxía solar fotovoltaica en quince colexios públicos para que poidan autoabastecerse de enerxía limpa e, incluso, ceder electricidade a outros equipamentos municipais cercanos. Fixérono ante o colexio Curros Enriquez, en Monte Alto, un dos que amosan maior potencial para a produción de renovables. 

A voceira municipal e o voceiro provincial da Marea Atlántica, María García e Alberto Lema, con Torcuato Teixeira, secretario xeral da asociación PESCAGALICIA e representante da plataforma Manifesto Burela, para escoitar as súas propostas e trasladarlle a nosa mocion para reclamar que os caladoiros e actividade pesqueira non se vexan afectados pola instalación de parques eólicos mariños.

Esta iniciativa foi xa aprobada por unanimidade pola Corporación do Concello da Coruña do pasado 3 de febreiro, e será trasladada tamén pola Marea Atlántica ao Pleno da Deputación, o último venres deste mes. Tal e como se sinala na moción, a transición enerxética é necesaria, pero non pode ser que as grandes empresas eléctricas leven todo o beneficio, mentres outras actividades económicas, coma a pesca, e os ecosistemas pagan a factura.

Reunímonos con PESCAGALICIA e trasladámoslle a nosa moción para que non se instalen parques eólicos preto de caladoiros