Saltar ao contido

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Read More »O acordo orzamentario asinado entre o PSOE e o BNG evidencia unha absoluta falta de ambición

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Xan Xove instalará placas solares en quince colexios da Coruña, iniciando o autoconsumo compartido de enerxía limpa

O candidato da Marea Atlántica á Alcaldía da Coruña, Xan Xove, e a voceira muncipal da plataforma municipalista, María García, presentaron hoxe ante os medios de comunicación algunhas das principais conclusións do Mapa das Renovables e fixeron unha proposta concreta: instalar paneis de enerxía solar fotovoltaica en quince colexios públicos para que poidan autoabastecerse de enerxía limpa e, incluso, ceder electricidade a outros equipamentos municipais cercanos. Fixérono ante o colexio Curros Enriquez, en Monte Alto, un dos que amosan maior potencial para a produción de renovables. 

O candidato da Marea Atlántica mantivo onte un encontro coa asociación ALAS  e amosou o seu apoio á propostas e reividicacións da entidade, traducidas nunha serie de compromisos

O Observatorio Coruñés contra a LGTBIfobia detectou en 2022 un total de 32 agresións de ocio na cidade, unha cifra que hai que seguir traballando para eliminar

Xan Xove, candidato da Marea Atlántica á Alcaldía da Coruña, impulsará no vindeiro mandato un protocolo municipal para loitar, de xeito activo, contra a discriminación e o odio dirixido cara o colectivo  LGTBIQ+. Esta medida servirá para coordinar as administracións e as entidades sociais que traballen no apoio ao colectivo, para abordar os casos de vulneración de dereitos por mor da orientación sexual e a identidade de xénero e para facer fronte ás situacións de violencia. “O obxectivo desta mesa de coordinación será traballar conxuntamente coa sociedade civil para facilitar os recursos que precisen as vítimas, acompañalas e buscar xeitos de reparar o dano”, aclara Xove. 

O noso cabeza de lista mantivo onte un encontro coa Asociación pola Liberdade Afectiva e Sexual da Coruña (ALAS), acompañado pola concelleira Silvia Cameán e polo número 3 da súa lista, Rodri Gil, e amosou o seu apoio ás demandas e propostas da entidade, traducidas en dez compromisos pola comunidade LGBTIQ+ da Coruña. Entre eles, devolverlle á celebración do Orgullo o carácter reivindicativo e a colaboración coas entidades sociais, facilitar recursos de apoio e ofrecer formación para a atención á diversidade. 

Con Samuel Luiz na memoria

“Non imos esquecer que na Coruña asesinaron a golpes, entre berros de ‘maricón’ a Samuel Luiz Muñiz, un brutal acto de homofobia que marcou a toda a cidade. Desde o Concello, quero facer todo o posible para que esta barbarie non volva repetirse, e para amosar todo o meu apoio ao colectivo LGBTIQ+”, afirmou Xan Xove tras o encontro. 

ALAS é a responsable do Observatorio Coruñés contra a LGTBIfobia, cuxo convenio co Concello será necesario reforzar no vindeiro mandato. Vén de presentar o seu informe do ano 2022, no que a entidade atendeu consultas de 209 persoas. E identificou na cidade 32 incidentes de odio cara a comunidade LGTBIQ+. Dáse unha leve diminución de casos con respecto ao ano anterior, pero hai que seguir traballando ata que as agresións desaparezan.

Xan Xove impulsará un protocolo municipal para a loita contra a discriminación cara o colectivo LGTBIQ+