Saltar ao contido
mercado monte alto

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Ler máis »O acordo orzamentario asinado entre o PSOE e o BNG evidencia unha absoluta falta de ambición

A Marea Atlántica insta ao goberno local a cumprir as obrigas recollidas na Ordenanza de Igualdade do Concello da Coruña

O compromiso coa igualdade e os feminismos non pode quedar só en palabras: ten que demostrarse con feitos e con políticas públicas efectivas A organización… Ler máis »A Marea Atlántica insta ao goberno local a cumprir as obrigas recollidas na Ordenanza de Igualdade do Concello da Coruña

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

A través dunha moción, reclamamos as obras pendentes no Mercado e a Escola Infantil, accesibilidade nas rúas e coidado das zonas verdes

É preciso informar ás praceiras dos avances nas obras do mercado, e ofrecerlles un espazo alternativo para que poidan seguir traballando


A Marea Atlántica levará a Pleno ordinario deste xoves unha moción para reclamar melloras e obras pendentes en Monte Alto, atendendo ás peticións da veciñanza e os colectivos do barrio. Entre outras cuestións, instamos a Inés Rey a poñer en marcha as obras de renovación do mercado, dándolles as praceiras un lugar alternativo para seguir traballando mentres dure a reforma; o coidado das zonas verdes, rúas máis accesibles e reparar, dunha vez, os problemas da Escola Infantil Municipal Monte Alto. 

Como sinala a nosa moción, Monte Alto é un barrio moi densamente poboado e cunha forte vida interna, con necesidade que o goberno municipal non está atender. Procuraremos o apoio maioritario da Corporación para reclamarlle ao goberno municipal os seguintes asuntos, pendentes desde hai meses:

  • Informar ás praceiras de Monte Alto da situación, avances e prazos para a reforma do mercado. Procurar un espazo alternativo para manter á súa actividade mentres duren as obras. Licitar canto antes o proxecto. 
  • Realizar, canto antes, as intervencións básicas para amañar as filtracións de auga na Escola Infantil Municipal, mentres non se pon en marcha a reparación do tellado, xa aprobada. 
  • Implantación dun vado temporal para as familias usuarias da Escola Infantil Municipal Monte Alto.
  • Estudar a implantación de bolsas comedor nas Escolas Infantís Municipais, como xa se fai noutros eidos educativos. 
  • Realizar melloras de accesibilidade peonil na rúa Marconi, que carece de beirarrúas, e o cruce coa rúa Mondoñedo. 
  • Cumprir co mantemento dos parques e zonas verdes, especialmente no Campo de Marte e o parque Carlos Casares. Ampliar as ecohortas neste último espazo, tal e como se inclúe nos acordos entre a Marea Atlántica e o PSOE para o inicio do mandato. 
  • Non abandonar as melloras na contorna da Torre de Hércules, xa declarada Espazo Natural de Interese Local. Elaborar un Plan de Conservación que inclúa a eliminación de verteduras. 

Reivindicaremos as necesidades do barrio de Monte Alto no vindeiro Pleno