Saltar ao contido

Entradas relacionadas

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Xan Xove instalará placas solares en quince colexios da Coruña, iniciando o autoconsumo compartido de enerxía limpa

O candidato da Marea Atlántica á Alcaldía da Coruña, Xan Xove, e a voceira muncipal da plataforma municipalista, María García, presentaron hoxe ante os medios de comunicación algunhas das principais conclusións do Mapa das Renovables e fixeron unha proposta concreta: instalar paneis de enerxía solar fotovoltaica en quince colexios públicos para que poidan autoabastecerse de enerxía limpa e, incluso, ceder electricidade a outros equipamentos municipais cercanos. Fixérono ante o colexio Curros Enriquez, en Monte Alto, un dos que amosan maior potencial para a produción de renovables. 

Xan Xove chama a votar á Marea Atlántica para “abrirlle camiño a un goberno que se atreva cos retos da Coruña”: políticas de vivenda, empresa municipal de transportes e compromiso ambiental

“Precisamos un goberno que faga o que hai que facer, que tome decisións ambiciosas en vez de limitarse a xestionar”, afirmou o candidato á Alcaldía… Ler máis »Xan Xove chama a votar á Marea Atlántica para “abrirlle camiño a un goberno que se atreva cos retos da Coruña”: políticas de vivenda, empresa municipal de transportes e compromiso ambiental

A decisión foi aprobada o pasado xullo, unicamente cos votos a favor do PSOE e grazas ao voto de calidade do concelleiro Juan Ignacio Borrego, presidente do Consorcio

O incremento de máis de 6.000 euros, ademais de desproporcionado, é inxusto e contrasta co transmitido ao resto do persoal de servizo para non aumentarlles o salario, alegando motivos económicos


A Marea Atlántica levará ao vindeiro Pleno de setembro unha moción en contra da suba desproporcionada do salario de Moisés Naranjo, xerente do Consorcio de Turismo, e a favor da xustiza retributiva no organismo.

“Como xa temos dito, mesmo como defendemos no recurso de reposición que presentamos, é escandaloso que se confirme esta falcatruada pola decisión unilateral do PSOE e co voto en contra de toda a oposición”, volve recalcar o concelleiro da Marea Atlántica Alberto Lema, vogal da Xunta de Goberno do Consorcio de Turismo. “Estamos a falar de máis de 6.000 euros de incremento bruto anual, que ademais Naranjo cobrará con carácter retroactivo dende o pasado xaneiro. Porén, isto contrasta enormemente coa información que se lle transmite ao persoal de servizo do Consorcio, nas negociacións salariais en curso, de que non se lles pode aplicar nin unha modesta suba alegando motivos económicos”, conclúe o edil.

Deixar sen efecto unha decisión inxusta

Na moción, Marea Atlántica propón que o Pleno do Concello da Coruña manifeste o seu desacordo coa decisión unilateral do goberno de aumentarlle un 10% o salario ao xerente do Consorcio de Turismo, cinco meses despois da súa toma de posesión, cando non acadou os obxectivos marcados, e con carácter retroactivo desde xaneiro. Ao mesmo tempo, ínstase a Xunta de Goberno do organismo a deixar sen efecto a resolución recollida no punto sexto da orde do día da sesión celebrada o pasado 22 de xullo.

Igualmente, na moción arguméntase en contra da iniciativa: a modificación a posteriori das bases do concurso de selección do propio Moisés Naranjo, do que xa foi un proceso viciado e moi pouco transparente, que furtou as posibilidades doutras candidaturas e a base inexistente para equiparar a xerencia do Consorcio ás Direccións da Área do Concello da Coruña ao tratarse dun organismo autónomo á marxe do Consistorio.

Levamos a Pleno unha moción para instar á Xunta de Goberno do Consorcio de Turismo a anular a desproporcionada suba salarial de Moisés Naranjo