Saltar ao contido

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Read More »O acordo orzamentario asinado entre o PSOE e o BNG evidencia unha absoluta falta de ambición

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Xan Xove instalará placas solares en quince colexios da Coruña, iniciando o autoconsumo compartido de enerxía limpa

O candidato da Marea Atlántica á Alcaldía da Coruña, Xan Xove, e a voceira muncipal da plataforma municipalista, María García, presentaron hoxe ante os medios de comunicación algunhas das principais conclusións do Mapa das Renovables e fixeron unha proposta concreta: instalar paneis de enerxía solar fotovoltaica en quince colexios públicos para que poidan autoabastecerse de enerxía limpa e, incluso, ceder electricidade a outros equipamentos municipais cercanos. Fixérono ante o colexio Curros Enriquez, en Monte Alto, un dos que amosan maior potencial para a produción de renovables. 

O gasto do partido amistoso da Selección Española en Riazor supera os 400.000 euros, dos que a maioría recaen na Concellería de Deportes

María García: “Un gasto desta magnitude resulta moi difícil de xustificar coa crise que temos enriba. Os cartos estarían mellor investidos no apoio ao deporte de base”

A Marea Atlántica critica a decisión de investir máis de 400.000 euros do orzamento municipal en financiar un único evento deportivo, o partido amistoso da Selección Española de Fútbol contra a de Islandia, que se celebrará esta tarde no estadio de Riazor. A maior parte desa cifra, 393.000 euros, recae na Concellería de Deportes e consume o 41,3% dos fondos previstos para a organización de eventos en todo o ano 2022 (un total de 950.000€). O resto, 29.100 euros, asúmeo o Consorcio de Turismo como gastos de manutención e aloxamento do equipo islandés. 

“Consideramos que gastar máis de 400.000 euros nun día, nun único partido amistoso, é difícil de xustificar coa crise que temos enriba. Son fondos que serían moito máis útiles en actividades que apoien e fomenten os deporte de base, e beneficien aos clubs locais nun momento complicado”, argumenta a nosa voceira, María García.

A documentación achegada polo goberno local non ten en conta, tampouco, que retorno prevé ter do evento a través da publicidade, pero establécese que a recadación íntegra da venda de entradas será para a Federación Española de Fútbol. É moi dubidoso que o investimento municipal chegue a recuperarse. 

Nun momento coma o actual, a organización de grandes eventos de elevadisimo custo non debería ser unha prioridade para o Concello da Coruña, e menos consumindo fondos que poderían servir para apoiar ao tecido asociativo local. Para amosar o noso desacordo, non asistiremos ao partido esta tarde en Riazor. 

A Marea Atlántica critica que un só partido consuma case a metade dos fondos do Concello para eventos deportivos en 2022