Saltar ao contido
Pazo de María Pita

Entradas relacionadas

O acordo orzamentario asinado entre o PSOE e o BNG evidencia unha absoluta falta de ambición

A formación municipalista ve “renuncias” e “pasos atrás” en desafíos clave para a cidade coma os da vivenda, a política social, a transición enerxética, a… Ler máis »O acordo orzamentario asinado entre o PSOE e o BNG evidencia unha absoluta falta de ambición

A Marea Atlántica abre unha nova etapa para que recuperar a confianza da cidadanía e chama a mobilizarse fronte á dereita no 23X

A Marea Atlántica celebrou esta mañá unha asemblea no centro cívico de Monte Alto, coa asistencia de máis de 60 persoas e para facer un balance amplo dos malos resultados do 28M, que nos deixaron sen representación en María Pita, e para decidir sobre o futuro da organización. Tras o debate, a asemblea acordou o seguinte comunicado:

Xan Xove chama a concentrar o voto de cambio na Marea Atlántica para escoller na Coruña “un goberno forte que se atreva co que importa”

Xan Xove, candidato da Marea Atlántica á Alcaldía da Coruña, fixo esta tarde un chamamento a concentrar o voto do cambio na Marea Atlántica, “para escoller un goberno forte, que se atreva co que importa”. O líder da plataforma municipalista asegurou que “este domingo vai gañar unha maioría progresista, pero iso non abonda. Para os retos que temos diante, precisamos un goberno forte. Tras o goberno cativo de Inés Rey, precisamos un goberno que se atreva co que importa”. Falou así no acto de peche de campaña no Campo da Leña, ante máis de 200 persoas, no que tamén interviñeron a número 2 da candidatura, Bea González de Canales, o ex-alcalde Xulio Ferreiro, e a voceira municipal da Marea Atlántica, María García. 

Pedirémoslle explicacións  ao goberno local por ocultarlle ao Consello da Memoria o informe que aconsella retirarlle as honras a Molina e Barrié

María García: “É un escándalo que o equipo de Inés Rey tivese este documento desde hai ano e medio e non o compartise. Teñen que render contas” 

A investigación do Instituto Cornide tamén documenta que Peñamaría de Llano participou activamente na represión franquista. E pese a coñecer os datos, o PSOE votou en contra de retirarlle as honras no pasado Pleno

A Marea Atlántica esíxelle ao goberno local que dea explicacións por terlle ocultado ao Consello da Memoria Democrática un informe do Instituto Cornide que recomenda retirarlle as honras a Alfonso Molina, Pedro Barrié de la Maza, Peñamaría de Llano e outras figuras que se destacaron pola súa colaboración coa represión e a ditadura franquista. 

Este informe foi encargado polo Consello da Memoria Democrática en novembro de 2019. E, segundo as informacións publicadas hoxe na prensa, foi entregado hai ano e medio pero o goberno local escolleu gardalo nun caixón en lugar de dalo a coñecer. A nosa voceira, María García, considerou “escandalosa” esta ocultación, e adiantou que esixiremos unha rendición de contas. 

Tras coñecer os feitos, a Marea Atlántica rexistrou de inmediato unha solicitude de acceso ao informe, que foi contestada polo executivo local coa convocatoria do Consello e o envío do documento, algo que debería terse producido hai un ano. 

Mantén o PSOE o compromiso coa Memoria Histórica?

Unha das figuras mencionadas no estudo do Instituto Cornide é a de Sergio Peñamaría de Llano, recoñecido falanxista que participou directamente na represión en lugares coma o Barco de Valdeorras. “E resulta incomprensible que, coñecendo esta información, o PSOE votase xunto co PP no último Pleno en contra dunha iniciativa para retirarlle as honras a Peñamaría de Llano”, lembrou María Garcia. 

A nosa portavoz amosou preocupación porque “se produza unha involución no compromiso do Concello da Coruña coa Memoria Histórica, logo dos avances do pasado mandato, librando o rueiro dos nomes de ducias de asasinos, creando o Consello da Memoria Democrática e a Oficina de Atención ás Vítimas do Franquismo”. 

O goberno local ten que explicar porque ocultou o informe que aconsella retirarlle as honras a Molina e Barrié