As eleccións municipais son a oportunidade para que poidas decidir que rumbo debe tomar a túa cidade. Se es unha persoa migrante, maior de idade e cumpres as condicións para ser votante, rexístrate e exerce o teu dereito.
Cada voto conta!
UNIÓN EUROPEA
Se xa estás inscrito/a no censo e estás empadroado na Coruña, adiante até o paso 4
PAÍSES CON ACORDO
Bolivia, Cabo Verde, Chile, Colombia, Corea do Sur, Ecuador, Islandia, Noruega, Nova Zelandia, Paraguai, Perú, Reino Unido e Trinidad e Tobago
1 Ter un documento de identidade válido
- Tarxeta identidade estranxeiro (TIE)
- Documento identidade do teu país de orixe
- Pasaporte
Cumprir os requisitos seguintes
- Tarxeta identidade estranxeiro (TIE)
- Autorización de residencia en España
- Ter residido en España polo menos:
3 anos desde que solicitaches a inscrición no censo se naceches no Reino Unido.
3 anos desde o día da votación se naceches en Noruega.
5 anos desde que solicitaches a inscrición no censo se naceches nun dos outros 11 países con acordo.
2 Estar inscrito/a no padrón municipal
Se xa te inscribiches, pasa ao punto 3.
Pide cita previa no Concello da Coruña e leva de forma presencial a documentación necesaria. A data límite para empadroarte con dereito a voto é o 15 de xaneiro de 2023.
Tes dúas opcións para pedir cita previa:
- En liña → na web citaprevia.coruna.gal. Escolle a data e o lugar onde facelo: María Pita, Centro Ágora ou Fórum Metropolitano.
- Por teléfono →No 010 se chamas desde A Coruña ou no 981 184 278 se chamas desde fóra da Coruña.
Documentación
- Formulario do padrón de habitantes: podes pedilo presencialmente ou podes enchelo online [Formulario online] e rematar o trámite presencialmente.
- Documentos de identidade.
- Documentos que acreditan a túa vivenda:
Última factura ao teu nome dunha compañía de teléfono fixo, internet fixo, auga, luz ou gas.
Contrato ao teu nome do teléfono fixo, internet fixo, auga, luz ou gas.
Contrato de alugueiro en vigor de vivenda ou habitación, ao teu nome. A duración mínima será de seis meses e deberá estar asinado por todas as persoas que figuran no contrato.
Escritura ou copia simple de propiedade da vivenda, contrato de compravenda ou nota simple do Rexistro da Propiedade
Prazo: ata o 15 de xaneiro de 2023
3 Confirmar que queres votar
Se recibiches a carta do Instituto Nacional de Estatística (INE) co modelo DFA, pódese facer con CTT ou Cl@ve:
- Correo postal. Enche o impreso DFA e envíao ao enderezo indicado. (Impreso online para enviar)
- Internet, na sede electrónica do INE, en Trámites > censo electoral. Accede con Cl@ve ou coa clave CTT que inclúe a carta.
Se non recibiches a carta do INE antes do 20 de novembro, tes dúas opcións:
- Presencial, na Oficina do Censo Electoral (OCE), sita na rúa Adelaida Muro, 12, na Coruña.
- Internet, na Sede electrónica do INE > trámites > censo electoral.
Prazo: ata o 30 de xaneiro de 2023
Inscribirte no censo electoral
Se tes a carta do Instituto Nacional de Estatística (INE) co modelo CERE-N e unha clave CTT:
- Correo postal. Enche o impreso CERE-N e envíao ao enderezo indicado (Impreso para enviar)
- Internet, na sede electrònica do INE, en Trámites > censo electoral. Accede con Cl@ve o coa clave CTT que inclúe a carta.
Se non recibiches a carta do INE a principios de decembro ou non incluía a clave CTT:
Debes asistir presencialmente á Oficina do Censo Electoral (OCE), sita na rúa Adelaida Muro, 12, na Coruña.
Prazo: ata o 15 de xaneiro de 2023
4 Comprobar que estás no censo electoral
Se completaches os pasos anteriores nos prazos indicados, deberías recibir unha carta do INE que confirme a túa inscrición.
A partir do 10 de abril poderás consultalo en liña na sede electrónica do INE > trámites > censo electoral.
FONTE:
https://www.ine.es/prensa/elecmun23_1.pdf
https://www.ine.es/prensa/elecmun23_cere_ue.pdf
Descarga en pdf esta guía
Como votar