Saltar ao contido

Entradas relacionadas

A Marea Atlántica elixe por unanimidade unha nova Coordinadora para “construír de abaixo a arriba” unha alternativa para 2027

A asemblea da formación municipalista completou este mércores o proceso de renovación interna anunciado tras as eleccións municipais de maio Doce persoas conforman o equipo… Ler máis »A Marea Atlántica elixe por unanimidade unha nova Coordinadora para “construír de abaixo a arriba” unha alternativa para 2027

Xan Xove incrementará un 20% o investimento social nos vindeiros catro anos e reforzará o persoal para reducir as listas de agarda

O cabeza de lista da Marea Atlántica e candidato á Alcaldía da Coruña, Xan Xove, comprometeuse hoxe a reforzar a atención nos servizos sociais e aumentar un 20% o investimento social do Concello da Coruña ao longo dos vindeiros catro anos, “para que volva ser un eixe do goberno, coma o foi durante o mandato de Xulio Ferreiro”. Xove lembrou que “no mandato da Marea Atlántica, A Coruña chegou, por primeira vez, a ser a cidade con maior investimento social de Galicia (105,94 euros por habitante), pero co PSOE produciuse un retroceso importante, segundo nos trasladan todas as entidades coas que falamos nos últimos meses”. 

Xan Xove fará parques máis acolledores, con zonas de xogos para maiores de seis anos e espazos adaptados á mobilidade reducida

Xan Xove, candidato á Alcaldía da Coruña pola Marea Atlántica, comprometeuse hoxe a mellorar e ampliar os parques da Coruña, para facer máis e para facelos máis acolledores a toda a veciñanza. “Crearemos zonas de xogo entre 6 e 12 anos e para maiores de 12, multiplicando o tempo no que os parques poden ser espazo de encontro e socialización, unha alternativa a irse ao centro comercial. E teremos en conta, tamén as necesidades das persoas con mobilidade reducida e diversidade funcional, para un espazo de xogo inclusivo”.

María García: “Unha empresa cun contrato público está a violar os dereitos laborais. Se a alcaldesa quere solucionalo, pode contar cos nosos votos”


A Marea Atlántica apoia a folga convocada para o luns polas traballadoras das seis bibliotecas municipais con xestión privada , e que se mantén tras a xuntanza que se produciu hoxe entre o goberno local e o Comité de Empresa. A concesionaria segue sen aboar a paga extra de xuño, e non se compromete a cumprir con futuras nóminas, mentres que o executivo segue sen tomar medidas claras.

“As bibliotecas son un servizo público esencial para o fomento da lectura, a educación e a cultura, e non merecen este trato desigual. Se a alcaldesa quere resolver verdadeiramente o problema e apostar pola municipalización, pode contar cos votos da Marea Atlántica”, declara a nosa voceira, María García. 

Desigualdade na rede de bibliotecas

A rede de bibliotecas municipais conta con centros de xestión 100% pública e con outros que están en mans dunha empresa privada, LTM, o que causa evidentes desigualdades nas condicións laborais e no servizo. Foi un goberno do PSOE o que tomou esta decisión en 2011, deixando seis centros en mans privadas. E foi o goberno da Marea Atlántica o que tentou resolver o problema a través da remunicipalización, unha vía que contou co voto en contra do PP e o Partido Socialista e a abstención do BNG. 

Xa nestes mandato, o equipo de Inés Rey mantivo a xestión privada, aprobando un novo contrato no que a oferta económica era o criterio principal, e que lle foi outorgado á empresa LTM cunha oferta claramente á baixa. O resultado quedou á vista nos últimos meses, cunha concesionaria incapaz de pagar as nóminas e un goberno que só reaccionou ante a ameaza de folga, cando o problema se fixo público. 

“Durante a campaña electoral, e nos seus acordos de investidura, o PSOE prometeu poñer orde o servizo de bibliotecas e unificar a xestión da rede neste mandato. A menos dun ano das eleccións, non fixo ningunha das dúas cousas, pero aínda se pode encamiñar a solución. “para unificar e remunicipalizar toda a rede, a nosa man está tendida”, conclúe María García. 

Apoiamos a folga das traballadoras das bibliotecas privatizadas para reclamar o pago das nóminas que se lles deben