Novas da Marea

Ante a proliferación de proxectos cidadáns e de confluencia

A Marea Atlántica é un proceso de carácter municipalista e ámbito municipal. Con todo, somos conscientes de que unha das posibilidades abertas ao “sumarnos á rebelión democrática que vén” dende a bisbarra da Coruña é que, como está a acontecer, persoas doutros lugares do país, sensibles ante o tempo político que vivimos e interpeladas pola proposta, inicien, atendendo as singularidades de cada vila, concello ou cidade, o camiño para construír fórmulas que, baixo a fórmula da marea cidadá ou non, busquen a confluencia da cidadanía e as organizacións sociais e políticas.

A Marea Atlántica observa con optimismo e celebra a aparición de procesos destas características por distintas localidades do país. Sen vocación de tutelaxe nin de validación, a Marea Atlántica buscará cooperar e colaborar con aquelas iniciativas que entendan a democratización, o protagonismo social, a confluencia e a vontade expresa de devolverlle o poder municipal á cidadanía como elementos nucleares do seu proceso. Buscaremos sinerxías e colaboracións, polo tanto, con aquelas iniciativas que teñan un marcado carácter cidadán, que como procesos de confluencia por abaixo estean atentos a desenvolver protocolos que eviten a monopolización e a tutela de organizacións políticas, e que comprendan que o compromiso ético que queremos trasladar ás institucións fundaméntase en mecanismos de transparencia abertos á cidadanía.

De igual forma, parécenos primordial que sexan procesos que recollan o valioso de experiencias municipais que demostrasen estar contra a destrución do público e pola transformación e mellora efectiva da vida dos cidadáns, e finalmente que teñan no seu horizonte organizativo a construción de ecosistemas inclusivos para todos aqueles actores políticos e sociais que se sitúan nitidamente á marxe das políticas de recortes e austeridade.

Ao respecto destas iniciativas, desde a Marea Atlántica pensamos que a dinámica sobre a que construír unha atmosfera de comodidade e cooperación ten que basearse no diálogo. É por iso que nos gustaría emprazar a aquelas iniciativas cidadás e populares de confluencia política que se recoñezan nos elementos comúns descritos a un espazo de encontro e diálogo onde intercambiar obxectivos e experiencias.

1 comment

  1. En otros lados aún estamos naciendo, los tiempos son otros y vamos despacio, pero desde luego y hablando a título individual como miembro de una de esas futuras iniciativas estoy encantado con esa mano abierta que se nos ofrece, esperando poder aprender de una iniciativa que ya ha dado pasos.

    Y espero que realmente podamos confluir, porque no debemos olvidar de esos órganos antidemocráticos donde algunos han plantado un cortijo y que mueven muchísimo dinero -de forma corrupta- como son las diputaciones. Hasta que podamos tener el poder suficiente para eliminarlas, no queda más remedio que dar la batalla, también, por ellas.

    Responder

Have your say