Novas da Marea

A Marea e Podemos Galicia analizaron os procesos de confluencia

Coincidiron en que o momento actual esixe actuar con responsabilidade e xenerosidade, para facer posible un proceso amplo e integrador

Seguindo a rolda de contactos coas diversas organizacións e forzas políticas que poidan participar en posibles procesos de confluencia a nivel galego, o Grupo de Apertura da Marea Atlántica reuniuse con representantes de Podemos Galicia o 12 de agosto, ás 9.30 horas, na sede da plataforma cidadá na rúa Pontejos.

A xuntanza transcorreu nun clima de cordialidade no que se analizou a situación actual e os diversos procesos políticos que se están a desenvolver, mantendo unha boa sintonía na interpretación que se fai dos mesmos. Tanto a Marea Atlántica como Podemos Galicia coincidiron en que o momento esixe actuar con responsabilidade e xenerosidade para facer posible que se materialice un proceso amplo de confluencia. A Marea Atlántica pon a súa experiencia acumulada ao servizo das iniciativas en marcha, e anima ás forzas políticas a continuar traballando por ese espazo común no que todas nos sintamos integradas.

2 comments

  1. Qué é o Grupo de Apertura da Marea Atlántica?. Qué plantexamentos ten de cara as eleccións xerais e a confluencia con outras formacións?.

    Algúns dos que de algún xeito participamos con Marea Atlántica gustaríanos ten unha maior información e unha maior posobilidade de colaborar ou aportar as nosas ideas.

    Responder
  2. Así ten que ser. Hai que encher o parlamento estatal de xente que quiera mudar as regras de xogo.E deixarse de caralladas co nome, con quen vaai diante ou atrás. Se queredes un que serva xa de lema tamén ,aquí volo deixo :” coa marea galega podemos”

    Responder

Reply to Xose Manuel Barreiro

Cancel reply