Saltar ao contido

Entradas relacionadas

Xan Xove comprométese a integrar os peiraos na cidade e democratizar o seu uso no vindeiro mandato

O candidato da Marea Atlántica á Alcaldía da Coruña, Xan Xove, realizou hoxe un percorrido polos peiraos interiores xunto co voceiro nacional de Anova, Martiño Noriega, xunto coa voceira e o vicevoceiro municipais da nosa organización, María García e Iago Martínez, o voceiro provincial, Alberto Lema, integrantes da nosa candidatura nas municipais e representantes de Anova A Coruña activas na Marea. Neste percorrido, reivindicaron a apertura dos peiraos á veciñanza, polos que por fin é posible camiñar sen necesidade de hipotecar o Concello no pago dunha débeda millonaria. 

Xan Xove aposta por unha lonxa de futuro, aberta á cidadanía e conectada coas políticas locais de alimentación saudable e de proximidade

Xan Xove, candidato da Marea Atlántica á Alcaldía da Coruña visitou hoxe a lonxa, que definiu coma “un dos motores económicos da cidade, con moito potencial por diante nos peiraos interiores”. Nesta visita, na que tamén participaron María García e Iago Martínez, a voceira e o vicevoceiro municipais da Marea Atlántica, Xove apostou por fortalecer unha “lonxa de futuro”, “aberta á cidadanía” e integrada dentro das políticas municipais de alimentación saudable e de proximidade.

Xan Xove lamenta que a desmontaxe da Medusa comece “por decreto, sen debate público nin estudar as súas posibilidades ao servizo da cidadanía”

O candidato á Alcaldía da Coruña recorda que o pleno aprobou en marzo de 2022 unha moción da Marea Atlántica que reclamaba a súa conservación… Ler máis »Xan Xove lamenta que a desmontaxe da Medusa comece “por decreto, sen debate público nin estudar as súas posibilidades ao servizo da cidadanía”

Todos os grupos políticos aprobaron a PNL de En Marea, baseada nas propostas do goberno da Coruña: condonación da débeda, revisión dos convenios de 2004, creación dun consorcio público para xestionar os peiraos e conexión ferroviaria para o Porto Exterior

Na Deputación da Coruña realizouse unha declaración institucional unánime, nos mesmos termos, xurdida a partir dunha moción da Marea Atlántica.

A Marea Atlántica saúda a decisión unánime do Parlamento de Galicia e a Deputación de apoiar a folla de ruta do goberno municipal da Coruña para darlle unha solución integral aos peiraos interiores, garantindo a súa titularidade e uso público. A través da Proposición Non de Lei (PNL) presentada por En Marea e defendida polo seu vicevoceiro, Antón Sánchez, os grupos parlamentarios de En Marea, PP, PSOE e BNG aceptaron as propostas que desde a Marea Atlántica levamos tres anos poñendo sobre a mesa. Do mesmo xeito, o Pleno da Deputación da Coruña converteu unha moción da Marea Atlántica, nos mesmos termos, nunha declaración institucional unánime, apoia da polos grupos de Compostela Aberta, Alternativa dos Veciños, PSOE, BNG e PP.

Nestas dúas iniciativas pídese:

  • Condonación da débeda da Autoridade Portuaria ou axudas económicas equivalentes
  • Revisión dos convenios urbanísticos de 2004, pensados para a especulación inmobiliaria, e sinatura dun novo protocolo que substitúa ao asinado pola Xunta e o goberno de Rajoy-
  • Creación cun consorcio público que xestione os peiraos interiores, cando queden sen uso polo traslado da actividade ao Porto Exterior
  • Financiamento da conexión ferroviaria de Punta Langosteira, fundamental para a súa viabilidade.

 

Das “ideas tolas” da Marea á unanimidade

Despois de tres anos de defender estas medidas en solitario, celebramos o cambio de postura do PP, que ata hai semanas estaba a defender a especulación nos peiraos de San Diego, e sobre todo o do PSOE, quen agora ten as responsabilidades do goberno central e pode asumir medidas como a condonación da débeda do Consorcio Valencia 2007, moito maior que a da Autoridade Portuaria da Coruña (350 millóns fronte a 200) e xerada por eventos deportivos como a Copa América, non por unha obra considerada de interese xeral polo Estado, como o Porto Exterior.

Xa este luns vimos un xiro inédito no Pleno do Concello da Coruña, onde a moción coa folla de ruta da Marea Atlántica foi a única aprobada das catro que se presentaron sobre o futuro dos terreos portuarios, por ser a única que contiña unha solución integral. Porén, no Pleno municipal o PSOE optou por un voto negativo e o BNG por poñerse de perfil. Por iso celebramos que atendesen ao chamamento da nosa coordinadora e onte, no Parlamento de Galicia, aceptasen sumar os seus votos ao sentido común.

O Parlamento de Galicia e na Deputación esixen por unanimidade unha solución integral para o Porto da Coruña