Saltar ao contido

Entradas relacionadas

A Marea Atlántica elixe por unanimidade unha nova Coordinadora para “construír de abaixo a arriba” unha alternativa para 2027

A asemblea da formación municipalista completou este mércores o proceso de renovación interna anunciado tras as eleccións municipais de maio Doce persoas conforman o equipo… Ler máis »A Marea Atlántica elixe por unanimidade unha nova Coordinadora para “construír de abaixo a arriba” unha alternativa para 2027

Xan Xove incrementará un 20% o investimento social nos vindeiros catro anos e reforzará o persoal para reducir as listas de agarda

O cabeza de lista da Marea Atlántica e candidato á Alcaldía da Coruña, Xan Xove, comprometeuse hoxe a reforzar a atención nos servizos sociais e aumentar un 20% o investimento social do Concello da Coruña ao longo dos vindeiros catro anos, “para que volva ser un eixe do goberno, coma o foi durante o mandato de Xulio Ferreiro”. Xove lembrou que “no mandato da Marea Atlántica, A Coruña chegou, por primeira vez, a ser a cidade con maior investimento social de Galicia (105,94 euros por habitante), pero co PSOE produciuse un retroceso importante, segundo nos trasladan todas as entidades coas que falamos nos últimos meses”. 

Xan Xove fará parques máis acolledores, con zonas de xogos para maiores de seis anos e espazos adaptados á mobilidade reducida

Xan Xove, candidato á Alcaldía da Coruña pola Marea Atlántica, comprometeuse hoxe a mellorar e ampliar os parques da Coruña, para facer máis e para facelos máis acolledores a toda a veciñanza. “Crearemos zonas de xogo entre 6 e 12 anos e para maiores de 12, multiplicando o tempo no que os parques poden ser espazo de encontro e socialización, unha alternativa a irse ao centro comercial. E teremos en conta, tamén as necesidades das persoas con mobilidade reducida e diversidade funcional, para un espazo de xogo inclusivo”.

 

 

A Marea Atlántica, a iniciativa do 99% para a recuperación do Concello da Coruña, vén de facer público o programa electoral co que comezará o vindeiro 25 de maio a construción dun novo modelo de cidade máis democrático, transparente e sostible.

Este mércores 29 de abril, a Marea presenta as súas principais propostas medioambientais nun acto pensado para falar e para escoitar a opinión das xentes da Coruña nos eidos da ecoloxía urbana, a enerxía, a defensa animal e a mobilidade.

A presentación terá lugar na Praza das Conchiñas ás 19 horas. O lugar escollidoé unha boa mostra da situación ambiental dos barrios da cidade.

O candidato da Marea á alcaldía, Xulio Ferreiro, e a poeta Estíbaliz Espinosa acompañarán ás representantes da Marea no acto.

#HaiMarea no Medio Ambiente!

 

 

#HaiMarea no Medio Ambiente