Concello

photo_2017-04-20_12-44-27 (2)

Políticas de benestar animal, éticas e eficaces

Leonardo Anselmi, María García e Rubén Pérez participaron nun faladoiro sobre as actuacións neste eido que se están aplicar nos concellos do cambio

Anselmi: “A Coruña é un dos municipios que máis ten avanzado na defensa dos dereitos dos animais. É un exemplo”

 

O trato que lle damos aos animais di moito da nosa sociedade. Por iso as políticas de benestar animal son un dos eixos do traballo da Marea Atlántica dentro e fóra do goberno municipal. Un compromiso que se detallou na charla celebrada o 9 de abril, coa presenza de Rubén Pérez, coordinador en Galicia da Asociación Animalista Libera; Leonardo Anselmi, representante da Plataforma PROU, que impulsou a abolición das touradas en Cataluña, e María García, concelleira de Medio Ambiente da Coruña.

Anselmi, que colabora co Concello de Barcelona, detallou iniciativas que se están a levar a cabo nesta cidade, como a esterilización de pombas a través dun alimento especial. Deste xeito, contrólase a súa poboación sen empregar o sacrificio: “No caso de pombas, gatos e outras especies, levan décadas matándose animais sen ningún tipo de éxito. Non é efectivo, só é cruel”. Tamén se referiu ao proxecto Zoo XXI, que procura adaptar os parques zoolóxicos á ciencia e a ética do noso tempo, “rexeitando os valores do colonialismo que aínda perviven nestes lugares”.

 

O exemplo da Coruña

O activista afirmou que “A Coruña é un dos concellos que máis rápido teñen avanzado na defensa dos dereitos dos animais. A chegada de Marea Atlántica marcou a diferenza. É un exemplo”. E insitiu na necesidade de que “as políticas de goberno en políticas públicas, que sexan asumidas polo conxunto da cidadanía.

Leonardo Anselmi, María García e Rubén Pérez

Leonardo Anselmi, María García e Rubén Pérez

Pola súa banda, María García lembrou que antes de cumprir un mes en María Pita, o goberno municipal da Coruña actuou para cancelar o contrato de celebración das touradas. Foi unha medida que supuxo á fin do apoio do Concello ao maltrato animal, e que ademais aforrou cartos públicos, xa que o custo da rescisión foi menor que o investimento que se destinaba a acondicionar o Coliseum. “Deste entón, traballamos a diario para limitar o uso de animais en espectáculos”.

O compromiso da Coruña cos dereitos dos animais tamén se pode ver en iniciativas como Acolle, para fomentar a adopción de mascotas; o impulso da Patrulla Verde, que fai da loita contra o maltrato animal unha das prioridades da Policía Local, ou o plan para o control das colonias felinas dun xeito ético e efectivo.

Cooperación institucional

Rubén Pérez afondou na necesidade aproveitar todos os recursos dispoñibles para trasladar os valores do animalismo ao conxunto da sociedade. Desde as campañas de rúa e a comunicación en redes sociais ata a colaboración con representantes políticos que compartan esta sensibilidade, como se fai habitualmente no Concello e na Deputación da Coruña.

Cartel da charla

 

Have your say